കോവിഡ് 19: ഇന്ന് 888 പേര്ക്ക് രോഗബാധ; 261 പേര്ക്ക് രോഗമുക്തി
നേരിട്ടുള്ള സമ്പര്ക്കത്തിലൂടെ 832 പേര്ക്ക്
ഉറവിടമറിയാതെ 36 പേര്ക്ക്
രോഗബാധിതരായി ചികിത്സയില് 4,050 പേര്
ആകെ നിരീക്ഷണത്തിലുള്ളത് 20,678 പേര്
മലപ്പുറം: ജില്ലയില് ഇന്നലെ (ഏപ്രില് 14) 888 പേര്ക്ക് കോവിഡ് ബാധ സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. നേരത്തെ രോഗം സ്ഥിരീകരിച്ചവരുമായുള്ള സമ്പര്ക്കത്തിലൂടെ 832 പേര്ക്കും ഉറവിടമറിയാതെ 36 പേര്ക്കുമാണ് ഇന്ന് വൈറസ്ബാധ സ്ഥിരീകരിച്ചത്. കൂടാതെ ഇതര സംസ്ഥാനങ്ങളില് നിന്നെത്തിയ 20 പേര്ക്കും ഇന്ന് രോഗം ബാധിച്ചിട്ടുണ്ട്.
20,678 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 4,050 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തില് കഴിയുകയാണ്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 186 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 125 പേരും 92 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെയായി 622 പേരാണ് കോവിഡ് ബാധിതരായി ജില്ലയില് മരിച്ചത്. അതേസമയം ജില്ലയില് ഇന്ന് 261 പേര് കൂടി രോഗമുക്തരായതോടെ ജില്ലയില് രോഗമുക്തരായവരുടെ എണ്ണം 1,24,385 ആയി.
നേരിട്ടുള്ള സമ്പര്ക്കബാധയോടൊപ്പം ഉറവിടമറിയാതെ രോഗംബാധിക്കുന്നവരുടെ എണ്ണത്തിലും വലിയ വര്ദ്ധനവുണ്ടാകുന്നത് ആശങ്കാജനകമാണ്. രോഗവ്യാപനം കൂടുന്ന സാഹചര്യത്തില് കൃത്യമായ ആരോഗ്യ ജാഗ്രത പാലിക്കണമെന്ന് ജില്ലാ മെഡിക്കല് ഓഫീസര് ആവര്ത്തിച്ച് അഭ്യര്ത്ഥിച്ചു. കോവിഡ് വാക്സിന് സ്വീകരിക്കുന്നവരും ആരോഗ്യ ജാഗ്രത കര്ശനമായി പാലിക്കണം. പൊതു ഇടങ്ങളില് പോകുന്നവര് കോവിഡ് ബാധ തടയുന്നതിനായി സാമൂഹിക അകലം പാലിക്കുകയും മാസ്ക് ധരിക്കുന്നതുള്പ്പടെ മുന്കരുതലുകള് സ്വീകരിക്കുകയും ചെയ്യണം. ഏതെങ്കിലും വിധത്തിലുള്ള ആരോഗ്യ പ്രശ്നങ്ങളുണ്ടായാല് അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെട്ട് ലഭിക്കുന്ന നിര്ദേശങ്ങള് പൂര്ണമായും പാലിക്കണമെന്നും ജില്ലാ മെഡിക്കല് ഓഫീസര് പറഞ്ഞു.
ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.