മീഡിയ അക്കാദമി പി.ജി. ഡിപ്ലോമ പ്രവേശനം
സര്ക്കാര് സ്ഥാപനമായ കേരള മീഡിയ അക്കാദമിയുടെ ഇന്സ്റ്റിറ്റ്യൂട്ട് ഓഫ് കമ്യൂണിക്കേഷന് നടത്തുന്ന പി.ജി. ഡിപ്ലോമ കോഴ്സുകളിൽ പ്രവേശനത്തിന് ഓഗസ്റ്റ് 10 വരെ അപേക്ഷിക്കാം. ജേര്ണലിസം ആന്റ് കമ്യൂണിക്കേഷന്, ടെലിവിഷന് ജേര്ണലിസം, പബ്ലിക് റിലേഷന്സ് ആന്റ് അഡ്വര്ടൈസിംഗ് എന്നിവയാണ് കോഴ്സുകൾ.
ഏതെങ്കിലും വിഷയത്തില് ബിരുദമാണ് അടിസ്ഥാന യോഗ്യത. അവസാനവര്ഷ ബിരുദ പരീക്ഷയെഴുതി ഫലം കാത്തിരിക്കുന്നവര്ക്കും അപേക്ഷിക്കാം. 2022 മെയ് 31-ന് 28 വയസ് കവിയരുത്.
പട്ടികജാതി, പട്ടികവര്ഗ, ഒ.ഇ.സി. വിഭാഗക്കാര്ക്ക് നിയമാനുസൃത വയസിളവും ഫീസ് ഇളവും ഉണ്ടായിരിക്കും. അഭിരുചി പരീക്ഷ, ഇന്റര്വ്യൂ എന്നിവയുടെ അടിസ്ഥാനത്തിലായിരിക്കും പ്രവേശനം. പ്രവേശന പരീക്ഷ ഓണ്ലൈനായാണ് നടത്തുക.
കോഴ്സ് സംബന്ധിച്ച വിശദ വിവരങ്ങള് മീഡിയ അക്കാദമിയുടെ വെബ്സൈറ്റില്(www.keralamediaacademy.org) ലഭിക്കും. ഫോണ്: 0484 2422275 ഇ-മെയില്: kmaadmission2022@gmail.com