കാസര്‍കോട് : ജില്ലയില്‍ 613 പേര്‍ കൂടി കോവിഡ് 19 പോസിറ്റീവായി. ചികിത്സയിലുണ്ടായിരുന്ന 326 പേര്‍ക്ക് കോവിഡ് നെഗറ്റീവായി. നിലവില്‍ 4792 പേരാണ് ചികിത്സയിലുള്ളത്. 

ജില്ലയില്‍ നിരീക്ഷണത്തിലുള്ളത് 19117 പേര്‍

വീടുകളില്‍ 18232 പേരും സ്ഥാപനങ്ങളില്‍ 885 പേരുമുള്‍പ്പെടെ ജില്ലയില്‍ ആകെ നിരീക്ഷണത്തിലുള്ളത് 19117 പേരാണ്. പുതിയതായി 1523 പേരെ കൂടി നിരീക്ഷണത്തിലാക്കി. സെന്റിനല്‍ സര്‍വ്വേ അടക്കം പുതിയതായി 6527 സാമ്പിളുകള്‍ കൂടി പരിശോധനയ്ക്ക് അയച്ചു (ആര്‍ ടി പി സി ആര്‍ 4008, ആന്റിജന്‍ 2504, ട്രൂനാറ്റ് 15). 1870 പേരുടെ പരിശോധനാ ഫലം ലഭിക്കാനുണ്ട്. 1181 പേര്‍ നിരീക്ഷണ കാലയളവ് പൂര്‍ത്തിയാക്കി. പുതിയതായി ആശുപത്രികളിലും മറ്റു കോവിഡ് കെയര്‍ സെന്ററുകളിലുമായി 618 പേര്‍ നിരീക്ഷണത്തില്‍ പ്രവേശിക്കപ്പെട്ടു. ആശുപത്രികളില്‍ നിന്നും  കോവിഡ് കെയര്‍ സെന്ററുകളില്‍ നിന്നും 333 പേരെ ഡിസ്ചാര്‍ജ് ചെയ്തു.

121735 പേര്‍ക്കാണ് ജില്ലയില്‍ ഇതുവരെ കോവിഡ് സ്ഥിരീകരിച്ചത്. 115955 പേര്‍ക്ക് ഇതുവരെ കോവിഡ് നെഗറ്റീവായി.