ജില്ലയില് 566 പേര്ക്ക് കൂടി കോവിഡ്
*ടെസ്റ്റ് പോസിറ്റിവിറ്റി റേറ്റ് 19.83
വയനാട് : ജില്ലയില് ഇന്നലെ(12.09.21) 566 പേര്ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. ആര്.രേണുക അറിയിച്ചു. 1114 പേര് രോഗമുക്തി നേടി. ടെസ്റ്റ് പോസിറ്റിവിറ്റി റേറ്റ് 19.83 ആണ്. 9 ആരോഗ്യ പ്രവര്ത്തകര്ക്കും രോഗം സ്ഥിരീകരിച്ചു. 563 പേര്ക്ക് സമ്പര്ക്കത്തിലൂടെയാണ് രോഗബാധ. ഇതോടെ ജില്ലയില് കോവിഡ് സ്ഥിരീകരിച്ചവരുടെ എണ്ണം 107890 ആയി. 97599 പേര് ഇതുവരെ രോഗമുക്തരായി. നിലവില് 9300 പേരാണ് ജില്ലയില് ചികിത്സയിലുള്ളത്. ഇവരില് 7735 പേര് വീടുകളിലാണ് ഐസൊലേഷനില് കഴിയുന്നത്.
*രോഗം സ്ഥിരീകരിച്ചവര്*
കല്പ്പറ്റ 60, മീനങ്ങാടി 49, ബത്തേരി 46, കണിയാമ്പറ്റ, മാനന്തവാടി 40 വീതം, അമ്പലവയല് 39, നൂല്പ്പുഴ, മുട്ടില് 38 വീതം, പുല്പ്പള്ളി 35, എടവക 34, നെന്മേനി 24, വൈത്തിരി 18, മേപ്പാടി 16, മുള്ളന്കൊല്ലി, തരിയോട് 15 വീതം, പൊഴുതന 13, പനമരം 11, പൂതാടി, പടിഞ്ഞാറത്തറ 6 വീതം, തൊണ്ടര്നാട് 5, വെള്ളമുണ്ട, വെങ്ങപ്പള്ളി 4 വീതം, തവിഞ്ഞാല് 3, തിരുനെല്ലി 2, കോട്ടത്തറ, മൂപ്പൈനാട് ഓരോരുത്തര്ക്കുമാണ് സമ്പര്ക്കത്തിലൂടെ രോഗം സ്ഥിരീകരിച്ചത്. ഇതിനുപുറമെ കര്ണ്ണാടകയില് നിന്നും എത്തിയ പനമരം സ്വദേശിക്കും 2 തമിഴ്നാട് സ്വദേശിക്കും രോഗബാധ സ്ഥിരീകരിച്ചു.
*1114 പേര്ക്ക് രോഗമുക്തി*
ആശുപത്രിയില് ചികിത്സയിലായിരുന്ന 62 പേരും, വീടുകളില് നിരീക്ഷണത്തിലായിരുന്ന 1052 പേരുമാണ് രോഗം ഭേദമായി ഡിസ്ചാര്ജ് ആയത്.
*1971 പേര് പുതുതായി നിരീക്ഷണത്തില്*
കോവിഡുമായി ബന്ധപ്പെട്ട് ജില്ലയില് ഇന്നലെ (12.09.21) പുതുതായി നിരീക്ഷണത്തിലായത് 1971 പേരാണ്. 2118 പേര് നിരീക്ഷണകാലം പൂര്ത്തിയാക്കി. നിലവില് നിരീക്ഷണത്തിലുള്ളത് 26841 പേര്. ഇന്നലെ പുതുതായി 83 പേര് ആശുപത്രിയില് നിരീക്ഷണത്തിലായി. ജില്ലയില് നിന്ന് 3038 സാമ്പിളുകളാണ് ഇന്ന് പരിശോധനയ്ക്ക് അയച്ചത്. ഇതുവരെ 741722 സാമ്പിളുകളാണ് പരിശോധനയ്ക്ക് അയച്ചത്. ഇതില് 735460 എണ്ണത്തിന്റെ ഫലം ലഭിച്ചു. 627570 പേര് നെഗറ്റീവും 107890 പേര് പോസിറ്റീവുമാണ്.