സംസ്ഥാന സർക്കാരിന്റെ വിശപ്പുരഹിത കേരളം പദ്ധതിയുടെ ഭാഗമായി കഴക്കൂട്ടം നിയോജക മണ്ഡലത്തിൽ ആരംഭിച്ച സുഭിക്ഷ ഹോട്ടലിന്റെ ഉദ്ഘാടനം ഭക്ഷ്യ പൊതുവിതരണ മന്ത്രി ജി.ആർ. അനിൽ നിർവഹിച്ചു. സംസ്ഥാനത്തെ എല്ലാ നിയോജക മണ്ഡലങ്ങളിലും സുഭിക്ഷ ഹോട്ടലുകൾ ആരംഭിക്കുമെന്നും ഇതിനോടകം 52 സുഭിക്ഷ ഹോട്ടലുകൾ ആരംഭിച്ചതായും മന്ത്രി പറഞ്ഞു. കാര്യവട്ടം ഗവ. കോളേജ് ക്യാമ്പസിലാണ് സുഭിക്ഷ ഹോട്ടൽ ആരംഭിച്ചത്.

പാചകം ചെയ്ത ഭക്ഷണം ആവശ്യക്കാർക്ക് കുറഞ്ഞ നിരക്കിൽ ലഭ്യമാക്കുക എന്നതാണ് വിശപ്പുരഹിത പദ്ധതിയുടെ ലക്ഷ്യം. സംസ്ഥാന സർക്കാരിന്റെ ഒന്നാം വാർഷികാഘോഷങ്ങളുടെ ഭാഗമായി സംഘടിപ്പിക്കുന്ന നൂറുദിന പരിപാടിയിലുൾപ്പെടുത്തിയാണ് സുഭിക്ഷ ഹോട്ടലുകൾ ആരംഭിക്കുന്നത്.

കടകംപള്ളി സുരേന്ദ്രൻ എംഎൽഎ അധ്യക്ഷനായി.