ലഹരിക്കെതിരെ ബോധവൽക്കരണവുമായി ക്ഷേമനിധി ബോർഡ്
മന്ത്രി മുഹമ്മദ് റിയാസ് ഉദ്ഘാടനം ചെയ്തു
ലഹരി വ്യാപനത്തിനെതിരെ ചുമട്ട് തൊഴിലാളി ക്ഷേമനിധി ബോർഡിന്റെ ആഭിമുഖ്യത്തിൽ ജില്ലാതല ബോധവൽക്കരണ ക്യാമ്പയിൻ സംഘടിപ്പിച്ചു. പരിപാടി പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് ഉദ്ഘാടനം ചെയ്തു.
ലഹരിക്കെതിരായ പോരാട്ടത്തിൽ നാടിന്റെ കാവൽ ഭടന്മാരായി മാറാൻ തൊഴിലാളി വർഗത്തിന് സാധിക്കുമെന്നും പ്രക്ഷോഭ രംഗത്ത് മാത്രമല്ല, സാമൂഹിക തിന്മകൾക്കെതിരെ പോരാടിയ ചരിത്രമാണ് തൊഴിലാളി പ്രസ്ഥാനങ്ങൾക്കുള്ളതെന്നും മന്ത്രി പറഞ്ഞു. സമൂഹത്തെ തകർക്കുന്ന ലഹരി വിപത്തിനെതിരായ പോരാട്ടത്തിൽ രാഷ്ട്രീയ ഭേദം മറന്ന് എല്ലാവരും ഒറ്റക്കെട്ടായി രംഗത്തിറങ്ങണമെന്നും മന്ത്രി പറഞ്ഞു.
