മത്സ്യകര്‍ഷകര്‍ക്ക് ആദരം
ജില്ലാ പഞ്ചായത്തില്‍ മത്സ്യകര്‍ഷകസംഗമവും മികച്ച മത്സ്യകര്‍ഷകരെ ആദരിക്കലും സെമിനാറും സംഘടിപ്പിച്ചു. പ്രസിഡന്റ് സാം കെ. ഡാനിയില്‍ ഉദ്ഘാടനം ചെയ്തു. ആരോഗ്യമുള്ള ജനതയുടെ നിലനില്‍പ്പിനായി നല്ല ഭക്ഷണ രീതികള്‍ പ്രോത്സാഹിപ്പിക്കുന്നതിന് ജലാശയങ്ങളെ പരമാവധി ഉപയോഗിക്കണമെന്നും നൂതന മത്സ്യകൃഷി രീതികളിലൂടെ മത്സ്യമേഖലയില്‍ സുസ്ഥിര ഉല്‍പാദനം സാധ്യമാക്കണമെന്നും അദ്ദേഹം പറഞ്ഞു. ഓര്ജലം, കൂട്, ശുദ്ധജലം, പടുതാകുളം തുടങ്ങി മറ്റ് ശാസ്ത്രീയ മത്സ്യകൃഷികള്‍ നടത്തി വിജയിച്ച ജില്ലയുടെ വിവിധ മേഖലകളില്‍ നിന്നുള്ള കര്‍ഷകരെ ആദരിച്ചു.
