വനം വന്യജീവി വകുപ്പിന്റെ പറവകൾക്ക് ഒരു തണ്ണീർക്കുടം പദ്ധതിക്ക് ജില്ലയിൽ തുടക്കം
കേരള വനം വന്യജീവി വകുപ്പ് നടപ്പിലാക്കുന്ന പറവകൾക്ക് ഒരു തണ്ണീർക്കുടം പദ്ധതിക്ക് മലപ്പുറം ജില്ലയിൽ തുടക്കമായി. വേനൽക്കാലത്ത് പക്ഷികൾക്ക് കുടിനീർ ലഭ്യത ഉറപ്പ് വരുത്താൻ കേരള വനം വന്യജീവി വകുപ്പിന്റെ ആഭിമുഖ്യത്തിൽ മലപ്പുറം സാമൂഹ്യ വനവത്കരണ വിഭാഗമാണ് പദ്ധതി നടപ്പാക്കുന്നത്. മലപ്പുറം സിവിൽ സ്റ്റേഷനിലെ വിവിധ ഓഫീസ് പരിസരങ്ങളിലാണ് പക്ഷികൾക്കായി കുടിനീർ ഒരുക്കുന്നത്. ഇതോടൊപ്പം ജില്ലയിലെ ഫോറസ്ട്രി ക്ലബുകളുടെ സഹകരണത്തോടെ സ്‌കൂളുകളിലും പൊതുസ്ഥലങ്ങളിലും ഇത്തരത്തിൽ തണ്ണീർക്കുടങ്ങൾ ഒരുക്കുന്നുണ്ട്.
