തിരുവനന്തപുരം : കേരളത്തില് 84 പേര്ക്ക് വ്യാഴാഴ്ച കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന് അറിയിച്ചു. കാസര്ഗോഡ് ജില്ലയില് നിന്നുള്ള 18 പേര്ക്കും പാലക്കാട് ജില്ലയില് നിന്നുള്ള 16 പേര്ക്കും കണ്ണൂര് ജില്ലയില് നിന്നുള്ള 10 പേര്ക്കും കോഴിക്കോട് ജില്ലയില് നിന്നുള്ള 6 പേര്ക്കും മലപ്പുറം ജില്ലയില് നിന്നുള്ള 8 പേര്ക്കും, തൃശ്ശൂര് ജില്ലയില് നിന്നുള്ള 7 പേര്ക്കും, കോട്ടയം ജില്ലയില് നിന്നുള്ള 3 പേര്ക്കും, പത്തനംതിട്ട ജില്ലയില് നിന്നുള്ള 6 പേര്ക്കും, തിരുവനന്തപുരം ജില്ലയില് നിന്നുള്ള 7 പേര്ക്കും കൊല്ലം,ആലപ്പുഴ, ഇടുക്കി ജില്ലകളില് നിന്നുള്ള ഓരോരുത്തര്ക്കുമാണ് രോഗം സ്ഥിരീകരിച്ചത്.ഇതില് 31 പേര് വിദേശത്ത് നിന്നും 48 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-31, തമിഴ്നാട്-9, കര്ണാടക-3, ഗുജറാത്ത്-2, ഡല്ഹി-2, ആന്ധ്രാപ്രദേശ്-1, ) വന്നതാണ്. അഞ്ചു പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്.
അതേസമയം രോഗം സ്ഥിരീകരിച്ച് ചികിത്സയിലായിരുന്ന 3 പേരുടെ പരിശോധനാഫലം നെഗറ്റീവ് ആയിട്ടുണ്ട്. മലപ്പുറം,കോഴിക്കോട്,കണ്ണൂര് ജില്ലയില് നിന്നുള്ള ഓരോരുത്തരുടെയും പരിശോധനഫലമാണ് നെഗറ്റീവ് ആയത്.ഇതോടെ 526 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 545 പേര് ഇതുവരെ കോവിഡില് നിന്നും മുക്തി നേടി.