കണ്ണൂര്‍ : ജില്ലയില്‍ 435 പേര്‍ക്ക് ഇന്നലെ (സപ്തംബര്‍ 26) കൊവിഡ് ബാധ സ്ഥിരീകരിച്ചു. 376 പേര്‍ക്ക് സമ്പര്‍ക്കം മൂലമാണ് രോഗബാധ. 40 പേര്‍ ഇതര സംസ്ഥാനങ്ങളില്‍ നിന്ന് എത്തിയവരും 19 പേര്‍ ആരോഗ്യ പ്രവര്‍ത്തകരുമാണ്.

രോഗമുക്തി 148

ഇതോടെ ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 9890 ആയി. ഇവരില്‍ 148 പേര്‍ ഇന്നലെ രോഗമുക്തി നേടി. അതോടെ രോഗം ഭേദമായവരുടെ എണ്ണം 6086 ആയി. കൊവിഡ് ബാധിച്ച് മരിച്ച 40 പേര്‍ ഉള്‍പ്പെടെ 86 കൊവിഡ് പോസിറ്റീവ് രോഗികള്‍ മരണപ്പെട്ടു. ബാക്കി 3283 പേര്‍ ചികില്‍സയിലാണ്. ഇവരില്‍ 2321 പേര്‍ വീടുകളിലും ബാക്കി 962 പേര്‍ വിവിധ ആശുപത്രികളിലും സിഎഫ്എല്‍ടിസികളിലുമായാണ് ചികില്‍സയില്‍ കഴിയുന്നത്.

വീടുകളില്‍ ചികിത്സയിലുള്ളത് 2321 പേര്‍

ജില്ലയില്‍ നിലവിലുള്ള കൊവിഡ് പോസിറ്റീവ് കേസുകളില്‍ 2321 പേര്‍ വീടുകളിലും ബാക്കി 962 പേര്‍ വിവിധ ആശുപത്രികളിലും സിഎഫ്എല്‍ടിസികളിലുമായാണ് ചികില്‍സയില്‍ കഴിയുന്നത്.

അഞ്ചരക്കണ്ടി കോവിഡ് ട്രീറ്റ്മെന്റ് സെന്റര്‍ -181, കണ്ണൂര്‍ ഗവ. മെഡിക്കല്‍ കോളേജ് -134,  തലശ്ശേരി ജനറല്‍ ആശുപത്രി- 55, കണ്ണൂര്‍ ജില്ലാ ആശുപത്രി - 37,  കണ്ണൂര്‍ ആസ്റ്റര്‍ മിംസ് -15,  തലശ്ശേരി ഇന്ദിരാഗാന്ധി ജനറല്‍ ആശുപത്രി - 30, എ കെ ജി ആശുപത്രി- 30, ജിം കെയര്‍ - 40,  ടെലി ആശുപത്രി- 8,  ആര്‍മി ആശുപത്രി- 2, നേവി - 2, ലൂര്‍ദ് - 2,  ജോസ്ഗിരി- 5, തലശ്ശേരി കോപ്പറേറ്റീവ് ആശുപത്രി- 6, തളിപ്പറമ്പ്  കോപ്പറേറ്റീവ് ആശുപത്രി- 3, എം സി സി - 7, കൊയിലി- 5, ശ്രീചന്ദ് ആശുപത്രി- 6, ആശിര്‍വാദ് -2,  മാങ്ങാട്ടുപറമ്പ് അമ്മയും കുഞ്ഞും ആശുപത്രി- 2, സ്പെഷ്യലിറ്റി- 1, വിവിധ ഫസ്റ്റ് ലൈന്‍ കോവിഡ് ട്രീറ്റ്‌മെന്റ് സെന്ററുകള്‍ - 327.  ജില്ലയ്ക്ക് പുറത്തുള്ള വിവിധ ആശുപത്രികളിലും സി എഫ് എല്‍ ടി സികളിലുമായി 57 പേരും ചികിത്സയിലുണ്ട്.

നിരീക്ഷണത്തില്‍ 14290 പേര്‍

കൊവിഡ് 19മായി ബന്ധപ്പെട്ട് ജില്ലയില്‍ നിലവില്‍ നിരീക്ഷണത്തിലുള്ളത് 14290 പേരാണ്. ഇതില്‍ 13177 പേര്‍ വീടുകളിലും 1113 പേര്‍ ആശുപത്രികളിലുമാണ് നിരീക്ഷണത്തില്‍ കഴിയുന്നത്.

പരിശോധന

ജില്ലയില്‍ നിന്ന് ഇതുവരെ 119426 സാംപിളുകള്‍ പരിശോധനയ്ക്ക് അയച്ചതില്‍ 118890 എണ്ണത്തിന്റെ ഫലം വന്നു. 536 എണ്ണത്തിന്റെ ഫലം ലഭിക്കാനുണ്ട്.