സൈനിക ജോലികള് നേടാന് പട്ടികജാതി വിഭാഗക്കാര്ക്ക് സൗജന്യ പരിശീലനം
സര്ക്കാരിന്റെ നൂറ് ദിന കര്മ്മപരിപാടികളില് ഉള്പ്പെടുത്തി പട്ടികജാതി, വിഭാഗക്കാര്ക്കായി നടപ്പിലാക്കുന്ന ഉന്നതി പ്രീ-റിക്രൂട്ട്മെന്റ് ട്രെയിനിംഗ് പരിശീലന പദ്ധതിയിലൂടെ സൈനിക-അര്ദ്ധ സൈനിക, പോലീസ്, എക്സൈസ് തുടങ്ങിയ വിഭാഗങ്ങളില് തൊഴില് നേടാന് ആഗ്രഹിക്കുന്ന യുവതീ-യുവാക്കള്ക്ക് രണ്ട് മാസക്കാലത്തെ റസിഡന്ഷ്യല് പരിശീലനം നല്കുന്നു. 18നും 26നും ഇടയില് പ്രായമുള്ള ഉദ്യോഗാര്ത്ഥികള്ക്കാണ് അവസരം.
എസ്.എസ്.എല്.സി വിജയിച്ചിരിക്കണം. പുരുഷന്മാര്ക്ക് 167 സെന്റിമീറ്ററും വനിതകള്ക്ക് 157 സെന്റിമീറ്ററും കുറഞ്ഞത് ഉയരം ഉണ്ടായിരിക്കണം. പ്ലസ്ടുവോ ഉയര്ന്ന യോഗ്യതകളോ ഉള്ളവര്ക്ക് മുന്ഗണന. പട്ടികജാതി വികസന വകുപ്പ് നടപ്പിലാക്കുന്ന ഈ പരിശീലനം കോഴിക്കോട് പ്രീ-റിക്രൂട്ട്മെന്റ് ട്രെയിനിംഗ് സെന്ററിലാണ് (പി.ആര്.ടി.സി) നടക്കുക.
താത്പര്യമുള്ള ഉദ്യോഗാര്ത്ഥികള് യോഗ്യതാ സര്ട്ടിഫിക്കറ്റ്, കമ്മ്യൂണിറ്റി സര്ട്ടിഫിക്കറ്റ്, ആധാര് എന്നിവയുടെ പകര്പ്പുകളും ഒറിജിനലുകളും മൂന്ന് കോപ്പി പാസ്പോര്ട്ട് സൈസ് ഫോട്ടോയും സഹിതം ഏപ്രില് 19ന് ബുധനാഴ്ച്ച രാവിലെ 11ന് കാസര്കോട് ജില്ലാ പട്ടികജാതി വികസന ഓഫീസില് പ്രാഥമിക യോഗ്യതാ നിര്ണയത്തിന് എത്തണമെന്ന് ജില്ലാ പട്ടികജാതി വികസന ഓഫീസര് അറിയിച്ചു. ഫോണ് 9447469280, 9447546617, 04994 256162.